Կոտայքի բաժնի համայնքային ոստիկանները կեղծ օղի պատրաստելու և իրացնելու դեպք են բացահայտել
Համայնքային ոստիկանության Կոտայքի բաժնի ծառայողները օպերատիվ տեղեկություն էին ստացել, որ Բյուրեղավան քաղաքի 59-ամյա բնակիչը զբաղվում է օղու ապօրինի արտադրությամբ։
Իրացնելով տեղեկությունը՝ համայնաքային ոստիկանները նոյեմբերի 6-ին այցելել են Բյուրեղավանի Երիտասարդական փողոցում գտնվող նշված հասցե, որտեղ ակնհայտ տեսանելի հատվածում հայտնաբերել են առանց համապատասխան ակցիզային դրոշմանիշերի տարբեր տարողության 100 շիշ օղի, 200 լիտր տարողությամբ երեք տարա՝ լցված օղու նմանվող հեղուկով, օղի թորելու սարքավորումներ և այլն։
Միաժամանակ, հետքերը վերացնելու նպատակով, արտադրամասի աշխատակիցը հարևանությամբ գտնվող տան բակ է նետել օղու պիտակներ և խցաններ, որոնք ոստիկանների կողմից հայտնաբերվել են։
Կազմված փաստաթղթերն ուղարկվել են նախաքննական մարմին։
Ոստիկանությունը հորդորում է չզբաղվել ապօրինի ձեռնարկատիրությամբ. այն քրեորեն պատժելի արարք է:
ՆԳՆ ոստիկանություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: