ԿԻԲԵՌԶԳՈՒՇԱՑՈՒՄ
CyberHUB-AM-ի թիմը բացահայտել է նոր նպատակային կիբեռհարձակում, որն ուղղված է Սփյուռքի, հասարակական կազմակերպությունների և լրագրողների դեմ։
Ի՞նչ է տեղի ունենում
Թիրախներին ուղարկվում է PDF փաստաթուղթ՝ իբր ՀՀ Ազգային անվտանգության ծառայությունից (ԱԱԾ)։
Նամակում առաջարկվում է սեղմել «VIEW FILES» կոճակը՝ «գործի նյութերին» ծանոթանալու համար։
Կոճակին սեղմելիս ներբեռնվում է արխիվ, որտեղ որպես խայծ դրված են սփյուռքահայ իրական մասնագետների գողացված ինքնակենսագրականներն (CV) ու անձնագրի պատճենը, ինչպես նաև վնասաբեր ծրագիր՝ քողարկված որպես հերթական PDF։
Ի՞նչ վտանգ է այն ներկայացնում
Սա պարզապես գաղտնաբառ գողանալու փորձ չէ, այլ բարդ լրտեսություն։ Վիրուսն ակտիվանալուց հետո.
10–20 վայրկյանը մեկ լուսանկարում է ձեր էկրանը՝ հարձակվողներին փոխանցելով Signal/WhatsApp նամակագրությունը, փաստաթղթերն ու էկրանին հավաքվող տվյալները,
Գողանում է ֆայլեր համակարգչից,
Գաղտնի մուտք է բացում դեպի ձեր կազմակերպության ներքին ցանց։
Ինչպե՞ս պաշտպանվել
1. Հիշե՛ք.
Պետական մարմինները գաղտնի նյութեր չեն ուղարկում կասկածելի PDF-ներով կամ արխիվներով։
2. Անջատե՛ք JavaScript-ը Adobe Acrobat Reader-ում. (Preferences ➡️ JavaScript ➡️ հանեք նշումը `Enable Acrobat JavaScript` տողից)։ Սա միանգամից չեզոքացնում է այս հարձակման ծուղակը։
3. Ուշադի՛ր եղեք ֆայլերի վերջավորություններին. Երբեք մի՛ բացեք անծանոթ՝ .exe` ծրագրային ֆայլեր։
Մանրամասն հետաքննությունն ու պաշտպանության քայլերը՝ bio-ի հղումով։
Cyberhub
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: