Բաժանորդագրվեք araratnews-ի տելեգրամ ալիքին։
Եմենի Շաբվա նահանգում գտնվող ռազմական ճամբարի վրա հուսիների հրթիռային հարվածի հետևանքով զոհվել կամ վիրավորվել է մոտ 40 զինվոր։
Այս մասին հաղորդում է «Անադոլու» գործակալությունը՝ հղում անելով Շաբվա նահանգի փոխնահանգապետին։
Գործակալության տվյալներով՝ հուսիները Ջարդան շրջանում գտնվող Ալ-Ալամ ճամբարի վրա արձակել են երեք բալիստիկ հրթիռ։ Ճամբարում մարզվում էին անվտանգության և ոստիկանության նորակոչիկները։
Եմենի զինված ուժերի խոսնակը նույնպես հաստատել է, որ ճամբարը հարվածվել է երեք բալիստիկ հրթիռներով։