Իր հայցադիմումով ՀՀ վարչապետը Ղազարյանից պահանջում է հրապարակային հերքել այս տարվա սեպտեմբերի 27–ին պատգամավորի կողմից իր հասցեին հնչեցրած զրպարտություն համարվող փաստացի տվյալները։
Իր հայցադիմումով Փաշինյանը Ղազարյանից պահանջում է հրապարակային հերքել այս տարվա սեպտեմբերի 27–ին պատգամավորի կողմից իր հասցեին հնչեցրած զրպարտություն համարվող փաստացի տվյալները։
ՀՀ վարչապետը պահանջում է, որ հերքման տեքստը լինի հետևյալ բովանդակությամբ և կարգով. «2026 թ. սեպտեմբերի 27-ին տրված հարցազրույցի ընթացքում, ես՝ Էդգար Ղազարյանս, ՀՀ վարչապետ Նիկոլ Փաշինյանի վերաբերյալ տարածել եմ հետևյալ տեղեկությունը՝ «Ադրբեջանական առաջխաղացումը, պաշտպանական բնագծի ճեղքում և առաջխաղացումը եղել ա ընդամենը 2020 թ. հոկտեմբերի 6-ից հետո, երբ որ Նիկոլ Փաշինյանը գնաց Ստեփանակերտ, ընդեղ անցկացրեց խորհրդակցություն հրամանատարաշտաբային կետում, վերադարձավ, սկսեց թշնամուն ուղիղ տեղեկություններ տալ»։ Հայտնում եմ, որ այդ տեղեկություններն ամբողջությամբ սուտ են, չեն համապատասխանում իրականությանը և զրպարտում են Նիկոլ Փաշինյանին»։
Փաշինյանը հայցադիմումով պահանջում է նաև հերքումն իրականացնել news.am լրատվամիջոցով` ուղիղ եթերով տեսաձայնագրման միջոցով։
«Հերքումը չպետք է պարունակի պատասխանողի կամ որևիցե 3–րդ անձի ցանկացած այլ հավելում կամ մեկնաբանություն, այլ պետք է պարունակի բացառապես հերքման տեքստը»,– ընդգծված է Փաշինյանի հայցադիմումի մեջ։
Նշենք, որ հայցը դատարան է ներկայացվել հոկտեմբերի 1–ին, իսկ գործը մակագրվել է Երևանի քաղաքացիական դատարանի դատավոր Մարինա Տաշչյանին։ Հայցադիմումը վարույթ ընդունելու վերաբերյալ որոշում դեռ չի կայացվել։