ՀՀ ՏԿԵ նախարար Դավիթ Խուդաթյանն այսօր մասնակցել է Հայաստանի համայնքների միության ընդհանուր ժողովին։
Համայնքների միության նախագահ Տիգրան Ավինյանի, Միության գլխավոր տնօրեն Արմեն Հարությունյանի և համայնքապետերի մասնակցությամբ նախ քննարկվել է Միության կողմից վերջին 6 ամսում իրականացված աշխատանքը։
Նախարարը կարևորել է ՏԿԵ նախարարության ու համայնքների միության հետ սերտ համագործակցությունը։
Նախարարի խոսքով Հայաստանի համայնքների միության կանոնադրության փոփոխությանը կնպաստի միության գործունեության արդյունավետության բարձրացմանը և նոր որակի կբարձրացնի միության աշխատանքը։
Խուդաթյանն անդրադարձել է նաև առաջիկայում սպասվող ՏԻՄ ընտրություններին և վստահություն հայտնել, որ այդ ընտրությունների արդյունքները կարտահայտեն քաղաքացիների ազատ կամքը։
ՀՀ տարածքային կառավարման և ենթակառուցվածքների նախարարություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: