ԱԺ «Պատիվ ունեմ» դաշինքի պատգամավոր, Արցախի Հանրապետության նախագահի նախկին խորհրդական Տիգրան Աբրահամյանի ֆեյսբուքյան գրառումը
Հայկազ Մկրտչյանի այս լուսանկարը նախորդ տարի՝ դեկտեմբերի 12-ին եմ արել։ Առհասարակ, քաղաքում հաճախ եմ լուսանկարում տարբեր վայրերում, շենքերի վրա պատկերված մեր հերոսների նկարները։
Յուրաքանչյուր լուսանկար իր մեջ մի սխրանք, պայքարի դրվագ, մարդկային խելահեղ ճակատագիր է պարունակում:
Նույնիսկ մեր երկրի դաժան իրողությունների պայմաններում մտքովս չէր անցնի, որ մարդկային տեսակը, հայը, կռիվ կսկսի իր պատմության, իր արժանապատվության և իր հերոսների դեմ։
Բայց ինչ արած, մեզ առաջադրվել է մարտահրավեր, և սրան պետք է միահամուռ հակազդել։
Հ.Գ. Սրանց մեր պատմությունը խմբագրել չի հաջողվի։ Կհաջողվի միայն մի բան՝ պատմության փոշոտ դարակներում սեփական ոչնչությունն ամրագրել։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: