Միջազգային հանրապետական ինստիտուտի Հարցումների հետազոտության կենտրոնի նախաձեռնությամբ (ՄՀԻ) եւ ԲՐԵՎԻՍ ընկերության իրականացրած ՀՀ բնակչության հանրային կարծիքի ուսումնասիրության արդյունքներով՝ «Ո՞ր քաղաքական գործչին եք ամենից շատ վստահում: Իսկ ո՞վ է երկրորդ ամենավստահելին» հարցին տրված պատասխաններն ունեն հետեւյալ պատկերը: Եղել է մինչեւ 2 պատասխանի հնարավորություն:
Առաջին պատասխանի դեպքում՝ Նիկոլ Փաշինյանին վստահում է հարցվածների 18%-ը, իսկ երկրորդ պատասխանի դեպքում՝ 2%-ը, Սամվել Կարապետյանին համապատասխանաբար՝ 6 եւ 4%-ը, Ռոբերտ Քոչարյանին՝ 3 եւ 2%-ը, Գագիկ Ծառուկյանին նույնպես 3 եւ 2%-ը, Արարատ Միրզոյանին 2 եւ 3%-ը, Արամ Զ Սարգսյանին եւ Ալեն Սիմոնյանին նույնչափ՝ առաջին պատասխանի դեպքում՝ 1%-ը. Երկրորդ պատասխանի դեպքում՝ 2%-ը:
Արման Թաթոյանին առաջին պատասխանի դեպքում հարցվածների 2%-ն է ասել, որ վստահում է, իսկ երկրորդ պատասխանի դեպքում՝ 1%-ը, իսկ Գուրգեն Սիմոնյանին՝ 1 եւ 2%-ը: 48 %-ն ասել է, որ ոչ մի քաղաքական գործչի չի վստահում, 9%-ը դժվարացել է պատասխանել հարցին:
Ըստ նույն հարցման արդյունքների՝ Նիկոլ Փաշինյանին վստահում է 56+ տարիքի մարդկանց 32%-ը, երիտասարդների՝ 18-35 տարեկանների՝ 7%-ը: Ըստ հետազոտության՝ Սամվել Կարապետյանին վստահում է 18-35 տարեկանների 9%-ը, 56+ տարիքի մարդկանց 12%-ը: Երիտասարդների 63%-ը որեւէ գործչի չի վստահում: 8-ը դժվարացել է պատասխանել հարցին:
Գոհար ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: