Արտաքին գործերի նախարար Արարատ Միրզոյանը հեռախոսազրույց է ունեցել Կանադայի ԱԳ նախարար Անիտա Անանդի հետ։ Զրուցակիցները քննարկել են Մերձավոր Արևելքում ստեղծված իրավիճակը՝ երկուստեք կարևորելով ճգնաժամային պայմաններում սերտ փոխգործակցությունը։ Այս մասին հայտնում են ԱԳՆ մամուլի ծառայությունից:
Նախարար Միրզոյանն ընդգծել է ստեղծված իրավիճակի՝ բանակցությունների և խաղաղ կարգավորման միջոցով հանգուցալուծման հասնելու կարևորությունը:
Միրզոյանը հայտնել է Հայաստանի պատրաստակամությունը՝ ըստ անհրաժեշտության աջակցելու ՀՀ տարածքով Կանադայի քաղաքացիների տարհանմանը։
Փետրվարի 28-ին Իսրայելը և ԱՄՆ-ը համատեղ ռազմական հարձակում են սկսել Իրանի դեմ:
Իսրայելի վարչապետ Բենյամին Նեթանյահուն հայտարարել է, որ Իրանի վրա հարձակումները նպատակ ունեն վերացնել «գոյության սպառնալիքը»։
Ամերիկացի պաշտոնյան AlJazeera-ին ասել է, որ ԱՄՆ-ի և Իսրայելի համատեղ ավիահարվածները նպատակ ունեն քանդել Իրանի անվտանգության համակարգը։
Իրանը պատասխան հարվածներ է հասցրել Իսրայելին և Մերձավոր Արևելքի երկրների տարածքում գտնվող ամերիկյան բազաներին:
2025-ի հունիսին ԱՄՆ-ի հարձակումները թիրախավորեցին Իրանը բանակցությունների ժամանակ։ ԱՄՆ-ի «Կեսգիշերային մուրճ» գործողությունը տեղի ունեցավ Իսրայելի կողմից այդ ամիս Իրանի հետ սկսված 12-օրյա պատերազմի ավարտին մոտ։
Այդ հարվածներից հետո Թրամփը բազմիցս ողջունել էր հարձակումը՝ ասելով, որ այն վերացրել է Իրանի միջուկային ծրագիրը և հանգեցրել «խաղաղության» Մերձավոր Արևելքում։
Ութ ամիս անց ԱՄՆ-ն և Իսրայելը ևս մեկ հարձակում են սկսել, քանի որ երկու կողմերն էլ հենց ավարտել էին Ժնևում բանակցությունների փուլը։
The post Միրզոյանն առաջարկել է Կանադայի քաղաքացիներին Իրանից տարհանել ՀՀ տարածքով appeared first on CIVILNET.