«Մենք պետք է բացենք ՔԿՀ-ների դեմքն այնպես, որ Սրբուհի Գալյանը չկարողանա ասել, թե մահեր լինում են ամբողջ աշխարհում»․ Ժաննա Ալեքսանյան

«Մենք պետք է բացենք քրեակատարողական հիմնարկների դեմքն այնպես, որ նախարար Սրբուհի Գալյանը չկարողանա ասել, թե մահեր լինում են ամբողջ աշխարհում՝ նաև քրեակատարողական հիմնարկներում։ Այսինքն՝ պատասխանատուներին պետք է ցույց տանք իրենց տեղը»,- «Հայաստանի Հանրապետությունում ժողովրդավարության հետընթացը, քաղաքական հալածանքների ենթարկվող անձանց իրավունքների պաշտպանությունը և իրավական երաշխիքները» թեմայով խորհրդարանական լսումների ժամանակ ասաց իրավապաշտպան Ժաննա Ալեքսանյանը։

Նա նշեց, որ քրեակատարողական հիմնարկներում մահվան դեպքերը որպես կանոն չեն բացահայտվում։ «Երբ ՔԿՀ-ներում մահվան դեպքեր են լինում, մենք տեսնում ենք, թե ինչ իդեալական է նկարագրված։ Եվ տեսնում ենք, թե ինչ պաշտպանված են չինովնիկները, պատասխանատուները։ Հենց այն պահն է, որ պետք է այս ամենը փոխվի և բացահայտվի»,- ասաց Ալեքսանյանը։

Մանրամասները՝ տեսանյութում

«Քանի որ Արսեն Գևորգյանի մահվան դեպքով հանրային այսքան մեծ արձագանք կա, պետք է նաև աշխատենք այս ուղղությամբ։ Մենք պետք է հետևենք քննության ընթացքին, արձագանքենք և պահանջենք հնարավորն ու անհնարն անել»,- ասաց իրավապաշտպանը։

Ամբողջական տեսանյութը՝ այստեղ

Ռոզա ՀՈՎՀԱՆՆԻՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Leave a comment