Հայաստանն ու Վրաստանը պայմանավորվել են սահմանին խստացնել սննդամթերքի ստուգումը

Բաժանորդագրվել

Անդրադարձ է կատարվել բուսական և կենդանական ծագման հայկական արտադրանքի՝ Վրաստան արտահանմաը։

ԵՐԵՎԱՆ, 13 նոյեմբերի- Sputnik. Հայաստանն ու Վրաստանը պայմանավորվել են Ամանորին ընդառաջ խստացնել ներմուծվող և արտահանվող ապրանքների նկատմամբ իրականացվող ստուգումները։ Այս մասին հայտնում է ՀՀ ՍԱՏՄ մամուլի ծառայությունը։

Այս որոշումը կայացվել է Վրաստանի շրջակա միջավայրի պահպանության և գյուղատնտեսության նախարարության պարենի ազգային գործակալության պետ Գեորգի Իակոբաշվիլիի և ՀՀ սննդամթերքի անվտանգության տեսչական մարմնի ղեկավար Տիգրան Պետրոսյանի հանդիպման ժամանակ։

«Քննարկվել են սննդամթերքի անվտանգության, բուսասանիտարիայի, անասնաբուժության բնագավառներում և սահմանային անցակետերում իրականացվող վերահսկողության արդյունավետության բարձրացմանն առնչվող ընթացիկ հարցերը»,– նշված է հաղորդագրությունում։

Անդրադարձ է կատարվել բուսական և կենդանական ծագման հայկական արտադրանքի՝ Վրաստան արտահանման, ինչպես նաև Վրաստանի տարածքով դեպի այլ երկրներ տարանցիկ փոխադրումներին, երկու երկրների տարածքում կարանտին վնասակար օրգանիզմների դեմ պայքարի միջոցառումների արդյունավետությանը վերաբերող հարցերին։

Leave a comment