Բարսելոնայում բողոքի ակցիաների մասնակիցներն այրում են աղբամաններն ու ջարդում խանութների ցուցափեղկերը՝ ստիպելով քաղաքի կենտրոնում գտնվող խանութներին փակվել։
Ինչպես հայտնում է «El Periódico» թերթը, բողոքի ակցիաների հետևանքով քաղաքի կենտրոնում մի շարք խանութներ, մասնավորապես՝ հանրային սննդի օբյեկտներ, դադարեցրել են աշխատանքը։
Նոյեմբերի 11-ին Իսպանիայում մեկնարկել է 24-ժամյա համազգային գործադուլը։
Արդեն շուրջ 40 մարդ է ձերբակալվել։
Գործադուլի հետևանքով չեղարկվել են նաև ավիաչվերթներ, խաթարվել է հասարակական տրանսպորտի աշխատանքը։
Այն որակվում է որպես վերջին 14 տարվա ընթացքում ամենախոշորը։