«Հայաստանում ՏԻՄ ընտրություններն ի ցույց դրեցին այն ճգնաժամը, որը մենք պայմանականորեն անվանում ենք ընդդիմության ճգնաժամ»,-ԱԺ-ում կառավարության հետ հարցուպատասխանի ժամանակ ասաց Նիկոլ Փաշինյանը։
Ըստ նրա, կառավարությունն այս հարցում, բացի բարձրաձայնելուց, որևէ բան անել թերևս չի կարող։
«Կարծում եմ՝ այս թեմայով հանրային, քաղաքական քննարկումներ պետք է լինեն, որպեսզի հարցը դառնա հանրային քաղաքական օրակարգ, ըստ պատեհության արձագանք ստանա հանրության որոշակի շրջանակներից կողմից։
Դա իրականում հեշտ խնդիր չէ»,- ասաց Փաշինյանը։ Նա նշեց, որ պետության համար կարևոր է քաղաքական համակագի կայացումը. «Պետք է հասկանանք, թե ինչու Հայաստանում չի կայացել քաղաքական համակարգը։
Իմ կարծիքով, քաղաքական համակարգը չի կայացել և չի կայանում նաև կոնֆլիկտի ընկալման և կոնֆլիկտի առկայության պայմաններում»։