«ՔՊ կուսակցության շտաբում էլ կարծում են, որ «Ուժեղ Հայաստանը» փող բաժանողների կուսակցություն է, եւ դա պետք է իրավական հետեւանքներ ունենա»․ Արեն Մկրտչյան

Լոռու մարզպետ Արեն Մկրտչյանը Ստեփանավան խոշորացված համայնքում ընտրական ակտիվությունը պայմանավորում է մրցակցությամբ։

Մկրտչյանը Ստեփանավանի ՔՊ շտաբ էր այցելել։

Aravot. am-ի հարցին՝ մրցակցություն է համարում այն, որ հիմնական մրցակիցը՝ «Ուժեղ Հայաստանի» թեկնածուն կալանքի տա՞կ է, Արեն Մկրտչյանը պատասխանեց․ «Մրցակից թեկնածուն կալանքի տակ է փող բաժանելու մեղադրանքով»։ Դիտարկմանը, որ հաստատված մեղադրանք չկա, հակադարձեց․ «Շատ լավ, սպասենք իրավապահների գործողություններին»։

Aysor.am-ի հարցերին՝ կուտակումների եւ դրոշմակնիքների խոտանի մասին է, մարզպետը պատասխանեց․ «Բավականին խախտումներ չեմ տեսել։ Տեղ-տեղ էին կուտակումները․ 14․00-ի դրությամբ 38 տոկոս մասնակցությունը մեծ թիվ է։ Դրոշմապիտակների մասին ԿԸՀ-ն ասելիքն ասաց»։

Անդրադառնալով մեղադրանքներին, որ ՔՊ-ն հանձնարարել է քաղաքացիներին՝ նկարել քվեաթերթիկները եւ հաշվետվություն ներկայացնել, Արեն Մկրտչյանը պատասխանեց․ «ՔՊ կուսակցության շտաբում էլ կարծում են, որ «Ուժեղ Հայաստանը» փող բաժանողների կուսակցություն է եւ դա պետք է իրավական հետեւանքներ ունենա»։

Մանրամասները՝  տեսանյութում

Նելլի ԳՐԻԳՈՐՅԱՆ