ԱՄՆ նախագահ Դոնալդ Թրամփը հայտարարել է, որ Ռուսաստանի, Միացյալ Նահանգների և Չինաստանի միջև հնարավոր եռակողմ բանակցություններում կշոշափվի Ուկրաինայում իրավիճակի կարգավորման հարցը։
Ինչպես հայտնում է Սպիտակ տան մամուլի խումբը, Վաշինգտոնի մերձակայքում գտնվող «Էնդրյուս» ռազմակայանում Թրամփին հարցրել են՝ արդյոք քննարկումները կներառեն նաև Ուկրաինայի թեման։
«Չեմ կարող ասել, քանի որ խոսքը միայն դրա մասին չի լինելու։ Քննարկվելու է նաև ապամիջուկայնացման հարցը։ Այնպես որ, խոսքը միայն դրա մասին չէ»,- նշել է նախագահը։
Ավելի վաղ Ռուսաստանի ղեկավարի օգնական Յուրի Ուշակովը հայտնել էր, որ Չինաստանն արդեն նախապատրաստական աշխատանքներ է տանում Ասիա-խաղաղօվկիանոսյան տնտեսական համագործակցություն գագաթնաժողովի շրջանակներում Ռուսաստանի, Չինաստանի և Միացյալ Նահանգների ղեկավարների՝ Վլադիմիր Պուտինի, Սի Ծինփինի և Դոնալդ Թրամփի հնարավոր հանդիպման ուղղությամբ։
Գագաթնաժողովը նախատեսված է անցկացնել Չինաստանի Շենչժեն քաղաքում՝ նոյեմբերի 18-19-ին։