Սահմանային հսկողություն իրականացնելիս՝ Լատվիայի Սննդի և անասնաբուժական ծառայությունը լաբորատոր հետազոտությամբ Հայաստանից ծագող կանաչ թեյում հայտնաբերել է Եվրամիությունում արգելված տոլֆենպիրադ պեստիցիդի մնացորդներ, ինչպես նաև այլ պեստիցիդների՝ լամբդա-ցիհալոտրինի և թիամետոքսամի թույլատրելի առավելագույն քանակի գերազանցում։
Իսկ Ղազախստանից ներմուծված մանանեխի սերմերում հայտնաբերվել է էրուկաթթվի թույլատրելի առավելագույն քանակի գերազանցում՝ 106 ± 11 գ/կգ։
Ապրանքների ներմուծումը Եվրամիություն արգելված է։
Հայտնաբերվածի մասին ծանուցում է տեղադրվել ԵՄ Արագ ահազանգման համակարգում։ Թեյը կոչնչացվի կամ կուղարկվի երրորդ երկիր։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Մեկնաբանություններ (0)