Սյունիքի մարզի Շաքի բնակավայրում տեղի ունեցած արտակարգ միջադեպից նոր մանրամասներ են հայտնի դարձել։ Sputnik Արմենիա լրատվական գործակալության հետ զրույցում տեղի բնակիչներից մեկը պատմել է, որ ադրբեջանցի զինծառայողն օգտվել է տանտերերի բացակայությունից և գիշերն անցկացրել նրանց բնակարանում։
Ըստ տեղացի բնակչի տրամադրած տեղեկությունների՝ կինն ու նրա երեք երեխաները գիշերը տանը չեն եղել։ Դպրոցից հետո մայրը երեխաների հետ վերադարձել է տուն, նկատել ներսում գտնվող ադրբեջանցուն և աղմուկ բարձրացրել, ինչից հետո վերջինս կրակել է կնոջ ուղղությամբ։
Հրազենային վիրավորում ստացած կինը դիմել է ինքնապաշտպանության և դանակով հարվածել հարձակվողին: Ստացած հարվածից հետո ադրբեջանցի զինծառայողը փախուստի է դիմել ու թաքնվել մոտակա անասնագոմում, որտեղ էլ հետագայում հայտնաբերվել և ձերբակալվել է իրավապահների կողմից: