Պաշտոնապես մեկնարկել է Եվրոպական միության ֆինանսավորմամբ իրականացվող «Աջակցություն Հայաստանում առողջության համընդհանուր ապահովագրության բարեփոխման իրականացմանը» Թվինինգ ծրագիրը։
Խորվաթիայի և Սլովենիայի հետ գործակցությամբ իրականացվող 1.5 մլն եվրո արժողությամբ ծրագիրը կաջակցի Առողջապահության նախարարությանը և Առողջության համընդհանուր ապահովագրության հիմնադրամին՝ ամրապնդելու կառավարման, ինստիտուցիոնալ և գործառնական կարողությունները, ինչպես նաև զարգացնելու առողջության համընդհանուր ապահովագրության արդյունավետ իրականացման համար անհրաժեշտ համակարգերը։
ԵՄ անդամ պետությունների հետ փորձի փոխանակման միջոցով ծրագիրն իր ներդրումը կունենա Հայաստանում ավելի հասանելի և արդյունավետ առողջապահական համակարգի ձևավորմանը` ի օգուտ Հայաստանի քաղաքացիների։
ՀՀ-ում ԵՄ մշտական ներկայացուցչություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: