Լավրովը Արարատ Միրզոյանին շնորհավորական հեռագիր է հղել ՀՀ Անկախության տոնի առթիվ

ՌԴ ԱԳ նախարար Սերգեյ Լավրովը շնորհավորական հեռագիր է հղել ՀՀ ԱԳ նախարար Արարատ Միրզոյանին՝ Հայաստանի Անկախության օրվա կապակցությամբ։

«Ընդունեք իմ շնորհավորանքները Հայաստանի Հանրապետության Անկախության օրվա առթիվ։ Համոզված եմ, որ ռուս-հայկական բազմակողմ համագործակցության պահպանումը, այդ թվում՝ Ռուսաստանի և Հայաստանի արտաքին քաղաքական գերատեսչությունների միջև ակտիվ երկխոսության շարունակումը, համապատասխանում է մեր երկրների ժողովուրդների փոխադարձ շահերին»,- ասվում է հեռագրում։

Լավրովը Միրզոյանին ու ՀՀ ԱԳՆ անձնակազմին մաղթել է քաջառողջություն, բարեկեցություն և հաջողություններ։

Թարգմանությունը՝ Էմմա Չոբանյանի