Ռուսաստանի Դաշնության արտաքին գործերի նախարար Սերգեյ Լավրովը շնորհավորական հեռագիր է հղել ՀՀ արտաքին գործերի նախարար Արարատ Միրզոյանին։
«Հարգելի Արարատ Սամվելի,
Խնդրում եմ ընդունել իմ շնորհավորանքները Հայաստանի Հանրապետության անկախության օրվա կապակցությամբ։
Համոզված եմ, որ ռուս-հայկական համապարփակ համագործակցության պահպանումը, այդ թվում՝ Ռուսաստանի և Հայաստանի արտաքին գործերի նախարարությունների միջև ակտիվ երկխոսությունը, ծառայում է մեր երկրների ժողովուրդների փոխադարձ շահերին։
Ձեզ և Հայաստանի արտաքին գործերի նախարարության ողջ անձնակազմին մաղթում եմ քաջառողջություն, բարեկեցություն և հաջողություններ»։