Թուրքիայի կառավարության աղբյուրը «РИА Новости»-ին հայտնել է, որ Նյու Յորքում Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոնալդ Թրամփի սպասվող հանդիպման ընթացքում քննարկվող թեմաների թվում կարող են լինել Ուկրաինայում հակամարտության կարգավորման շուրջ բանակցությունները վերսկսելու նախաձեռնությունները։
ԱՄՆ դեսպան Թոմաս Բարաքը հայտնել է, որ Թուրքիայի նախագահ Էրդողանը և ԱՄՆ նախագահ Թրամփը կհանդիպեն Նյու Յորքում՝ ՄԱԿ-ի Գլխավոր ասամբլեայի շրջանակներում։
«Նյու Յորքում Էրդողանի և Թրամփի հանդիպման օրակարգում կարող են ընդգրկվել Ուկրաինայի հարցով բանակցային գործընթացի վերսկսման խնդիրը և դրա շարունակման համար պայմաններ ստեղծելուն ուղղված նախաձեռնությունները։ Անկարան պատրաստ է շարունակել ջանքերն այս ուղղությամբ և օգտագործել համապատասխան կողմերի հետ իր կապերը՝ բանակցային գործընթացին աջակցելու համար»,- նշել է աղբյուրը։