Իսրայելի վարչապետ Բենիամին Նեթանյահուն հաջորդ շաբաթ կմեկնի Նյու Յորք, հայտարարել է վարչապետի գրասենյակը։
Այցը կկայանա սեպտեմբերի 23-ից 25-ը, որտեղ Իսրայելի վարչապետը կմասնակցի ՄԱԿ-ի Գլխավոր ասամբլեայի (ԳԱ) հերթական նստաշրջանի միջոցառումներին։
Ավելի վաղ Նյու Յորքի քաղաքապետ Զոհրան Մամդանին հայտարարել էր, որ Նյու Յորքի իրավաբանական վարչությունը ուսումնասիրում է Նեթանյահուին Միջազգային քրեական դատարանի օրդերով ձերբակալելու հնարավորությունը, եթե նա սեպտեմբերին այցելի ՄԱԿ-ի Գլխավոր ասամբլեայի բարձր մակարդակի շաբաթվա ընթացքում։ Ի պատասխան դրան՝ ԱՄՆ նախագահ Դոնալդ Թրամփը շեշտել էր, որ ոչ ոք չի կարողանա որևէ կերպ ձերբակալել Նեթանյահուին Միացյալ Նահանգներ նրա այցելությունների ընթացքում, որից հետո Մամդանին խոստովանել էր, որ քաղաքը չունի օրդերը կիրառելու իրավական լիազորություններ։