Բաժանորդագրվեք araratnews-ի տելեգրամ ալիքին։
Արաբական Միացյալ Էմիրությունները վաղ թե ուշ ստիպված կլինեն վերականգնել հարաբերությունները Իրանի հետ Մերձավոր Արևելքի հակամարտության ավարտից հետո՝ ըստ ԱՄԷ նախագահի դիվանագիտական հարցերով խորհրդական Անվար Գարգաշի։
«Իրանի հետ հարաբերությունները մնում են կենտրոնական հարց ոչ միայն ԱՄԷ-ի, այլև Պարսից ծոցի բոլոր երկրների համար։ Իրանը մնում է մեր հարևանը, և որոշ պահի մենք ստիպված կլինենք գտնել միջոց վերականգնելու այն, ինչը կարելի է վերականգնել։ Աշխարհագրությունը մեզ այլընտրանք չի թողնում», – ասել է նա Աբու Դաբիում կայացած Մերձավոր Արևելքի աշխարհաքաղաքականությանը, տնտեսագիտությանը և անվտանգությանը նվիրված միջազգային ֆորումում։