ՀԿԴ-ում դատավոր Արամ Գրիգորյանի նախագահությամբ ՀՀ պաշտպանության նախկին նախարար Սեյրան Օհանյանի տիկին Ռուզաննա Խաչատրյանի, Կարինե Մարգարյանի եւ Աննա Բաբայանի գործով այսօր ավարտվեցին նախնական դատալսումները։
Ռուզաննա Խաչատրյանի պաշտպան Հայկ Ալումյանը Aravot.am-ին ասաց. «Իմ պաշտպանյալը մեղադրվում է իբրեւ թե դատարանի որոշմամբ արգելադրված գույքը օտարվել է եւ Ռուզաննա Խաչատրյանը որպես պաշտոնատար անձի ընտանիքի անդամ իր հայտարարագրի մեջ չի ներառել այնպիսի գույք, որը ենթակա էր հայտարարագրման։ Տիկին Ռուզաննան մեղադրանքը չի ընդունում։
Այս նախնական դատավարության նախորդ փուլերում քննարկվել են խափանման միջոցների, բացարկների հարցեր։ Այսօրվա դատական նիստում քննարկվեց հետազոտվելիք ապացույցների ծավալը։ Որոշվեց որոշակի ծավալ, որը դատարանում պետք է հետազոտվի։
Պաշտպանների միջնորդությամբ որոշվեց, որ դատական նիստերը կարող են անցկացվել մեղադրյալների բացակայությամբ, ինչպես քրդատ օրենսգրքի նոր փոփոխություններն են սահմանում։ Արդեն հաջորդ նիստից լինելու են հիմնական դատալսումները»։
Հաջորդ դատական նիստը կկայանա սեպտեմբերի 7-ին, ժամը 12:30-ին։
Աշոտ ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: