Այսօր Գիտելիքի և դպրության օրն է․ Արմեն Սարգսյանի ուղերձը
Այսօր Գիտելիքի և դպրության օրն է՝ նոր ու լուսավոր երազանքների մեծ ճանապարհի սկիզբը։
Ժամանակակից աշխարհը գիտելիքի, իմացության և տեղեկացվածության մրցասպարեզ է, որտեղ հաղթում են նրանք, ովքեր կրթված են, մտածող, հետաքրքրասեր, ովքեր երբեք չեն դադարում սովորել։
Կրթված, գիտակից ու արժեհամակարգ ունեցող մարդն է ձևավորում բարեկիրթ հասարակություն, կերտում ուժեղ պետություն և ապահով ապագա։
Այսօր մեկնարկում է նաև ուսումնական տարին՝ նոր սպասումներով ու ձեռքբերումների ակնկալիքով։
Բարի երթ դեպի մտքի ու գիտելիքի, տեխնոլոգիաների ու ստեղծարարության անսահման աշխարհ։
Արմեն Սարգսյան
Հայաստանի չորրորդ նախագահ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: