ԱԺ նախագահի տեղակալ Վահագն Ալեքսանյանը քվեարկության դրեց այսօր ժամը 18։ 30-ից մինչև 20։00 մեկ լրացուցիչ նիստ անցկացնելու հարցը։
«Ուժեղ Հայաստան» խմբակցության պատգամավոր Տիգրան Աբրահամյանն ասաց, որ իրենց խմբակցությունը մինչև քվեարկությունն ընդմիջում է խնդրում․ «Այս հարցի քննարկումը հապճապ է դրվում, և բազմաթիվ պատգամավորներ իրենց օրն արդեն պլանավորել են։ Նպատակահարմար ենք համարում նման հարցերի քննարկումները կազմակերպել նախօրոք»։
Վահագն Ալեքսանյանն ասաց, որ արդեն քվեարկություն տեղի է ունեցել և հայտարարեց արդյունքները․ «Կողմ` 56, դեմ՝ 3, ձեռնպահ՝ 8։ Որոշումն ընդունված է»։ Այնուհետև դիմելով ընդդիմադիր գործընկերներին՝ ասաց․ «Դուք ասացիք, որ ուզում եք լրիվ ծավալով աշխատել. մենք այդպես հասկացանք»։
Տաթև ՀԱՐՈՒԹՅՈՒՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: