Ավագ դպրոցներում ուշադրության կենտրոնում է 12-րդ դասարանցիների հաճախումների խնդիրը, հատկապես հունվարին անցկացվող ընդունելության քննություններից հետո։
ԿԳՄՍ նախարարությունից հայտնում են, որ երկրորդ կիսամյակում ավարտական դասարանի աշակերտների համար նախատեսվում է ավելացնել նախագծային աշխատանքների, տարբեր խմբակների և կամավորական գործունեության հնարավորությունները, որոնց մասնակցության դիմաց հնարավոր կլինի կրեդիտներ ստանալ։
2026-2027 ուսումնական տարվան նախորդող օգոստոսյան խորհրդակցությունների ընթացքում ԿԳՄՍ նախարարի տեղակալ Արաքսիա Սվաջյանը նշել է, որ դպրոցը պետք է կարողանա աշակերտներին անհրաժեշտ մակարդակով նախապատրաստել ընդունելության քննություններին՝ այդպիսով աստիճանաբար նվազեցնելով կրկնուսույցների անհրաժեշտությունը։