«Ուժեղ Հայաստան» կուսակցության քաղաքական խորհրդի անդամ, ԱԺ պատգամավոր Նարեկ Կարապետյանն ուղիղ եթերում մասնավորապես ասել է.
«Քանի անգամ ենք մենք լսել, որ Հայաստանը շանս չունի, որ Ադրբեջանը նավթադոլարներով գերզարգացած երկիր է դառնալու, տարածաշրջանի ամենաուժեղ երկիրն է լինելու:
Մենք հավատում ենք հակառակին, որ Հայաստանը ժամանակի ընթացքում անխուսափելիորեն, ճիշտ աշխատանքի դեպքում, ուժեղ կառավարության դեպքում, ավելի փոքրացնելու է այն տնտեսական տարբերությունը, որ ունենք Ադրբեջանի հետ:
Ինչպե՞ս, դուք կհարցնեք, պատասխանեմ այսպես: Ադրբեջանի ընդհանուր արտահանման 90%-ը նավթն ու գազն է, բյուջեի կեսի կեսը նավթն ու գազն է բերում։ Իսկ գիտե՞ք, թե ինչքան նավթ է արդյունահանում Ադրբեջանը: Օրական կես միլիոն բարել… 30% անկում է ապրել Ադրբեջանի նավթի արդյունահանումը յոթ տարվա ընթացքում:
Ի՞նչ է կատարվում աշխարհում նույն ժամանակաշրջանում: Աշխարհում այսօր սպառվում է 106 միլիոն բարել նավթ… Ամեն տարի էլ աճում էր սպառումը մինչև վերջերս։ Վեց տարի հետո, էլեկտրական տրանսպորտի մասայականացման արդյունքում, 108-109 միլիոն բարելից հետո նավթի արդյունահանումը սկսելու է կայունանալ և անկում ապրել:
Դա նշանակում է, որ նոր նավթային երկրները սկսելու են գներ գցել: Դա նշանակում է, որ էժանանալու է նավթի գինը, որից էլ կախված է ինչ-որ չափով նաև գազի գինը:
Իսկ ի՞նչ է անելու այդ ժամանակ Ադրբեջանի կառավարությունը, որը ամբողջությամբ կախված է նավթից ու գազից, որը չի ստեղծել նոր արդյունաբերական հիմնարկներ, չի զբաղվում իր արդյունաբերական զարգացմամբ, չի ստեղծել ինքլյուզիվ տնտեսություն. կարող եմ ասել՝ սկսելու է հետ ընկնել մեզնից»։
Մանրամասն՝ տեսանյութում
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: