«Մուլտի Վելնես»-ում ՊԵԿ-ը բացահայտել է 2.6 մլրդ դրամի թաքցված շրջանառություն

«Մուլտի Վելնես»-ում ՊԵԿ-ը բացահայտել է 2.6 մլրդ դրամի թաքցված շրջանառություն

«Մուլտի Վելնես»-ում ՊԵԿ-ը բացահայտել է 2.6 մլրդ դրամի թաքցված շրջանառություն

Sputnik Արմենիա

Ըստ ՊԵԿ–ի` թերհայտարարագրումների հետևանքով պետական բյուջե չի հաշվարկվել և չի վճարվել ավելի քան 832 միլիոն դրամի հարկային պարտավորություն։ 09.07.2026, Sputnik Արմենիա

2026-07-09T11:39+0400

2026-07-09T11:39+0400

2026-07-09T12:31+0400

մարզասրահ

գագիկ ծառուկյան

պետական եկամուտների կոմիտե (պեկ)

հարկեր

https://cdn.am.sputniknews.ru/img/07ea/07/09/104398425_14:0:1260:701_1920x0_80_0_0_a70f5c9ed4493b59d0c6ccd78fda4402.jpg.webp

Պետական եկամուտների կոմիտեն մարզական համալիրներից մեկում բացահայտել է 2.6 մլրդ դրամի թաքցված շրջանառություն։ Տեղեկությունը հայտնում է ՊԵԿ մամուլի ծառայությունը։Նշվում է, որ ՊԵԿ–ը օպերատիվ տվյալներ է ստացել, որ Երևանում գործող մարզաառողջարարական համալիրներից մեկը թերհայտարարագրում է իր գործունեությունից ստացված եկամուտները՝ էականորեն նվազեցնելով պետական բյուջե վճարման ենթակա հարկային պարտավորությունները։Պարզվել է նաև, որ հարկային բեռը նվազեցնելու նպատակով ընկերության գործունեության մի մասը ձևականորեն իրականացվել է նախկին աշխատակիցների անուններով գրանցված իրավաբանական անձանց միջոցով, որոնք գործել են հարկման հատուկ համակարգում։ Այդ մեխանիզմի կիրառման արդյունքում շուրջ 158 միլիոն դրամի շրջանառություն դուրս է մնացել ընկերության կողմից ներկայացված ավելացված արժեքի հարկի հաշվարկներից, ինչի հետևանքով պետական բյուջե չի վճարվել ևս 17 միլիոն դրամից ավելի հարկային պարտավորություն։Նախնական հաշվարկներով, բացահայտված խախտումների հետևանքով պետությանը պատճառված ընդհանուր վնասը կազմել է շուրջ 849 միլիոն դրամ։ Ձեռք բերված փաստական տվյալների հիման վրա հանցագործության մասին հաղորդում է ներկայացվել վարույթ իրականացնող մարմին, որտեղ նախաձեռնվել է քրեական վարույթ և իրականացվում է նախաքննություն։Հավելենք, որ ներկայացված տեսանյութից դատելով՝ խոսքը Գագիկ Ծառուկյանին պատկանող «Մուլտի Վելնես» առողջարանային համալիրի մասին է։