Ուսումնասիրելով ընտրատեղամասային ընտրական հանձնաժողովների արձանագրությունները՝ հայտնաբերել ենք մի շարք անհամապատասխանություններ ընտրությունների մասնակիցների և փաստացի քվեարկած ընտրողների թվերի միջև։
Այս տվյալները հիմք են տալիս ենթադրելու, որ ընտրություններին մասնակցած անձանց հրապարակված ընդհանուր թիվը ճշգրտման կարիք ունի։ Այդ նպատակով ԿԸՀ ենք ներկայացրել մեր կողմից արձանագրված տարբերությունները՝ ըստ ընտրատեղամասերի։
Թափանցիկության և հանրային իրազեկման նպատակով ստորև ներկայացնում եմ նաև համապատասխան ընտրատեղամասերը և դրանցում արձանագրված անհամապատասխանությունների վերաբերյալ տվյալները։