Aravot.am-ի տեղեկություններով՝ հունիսի 7-ին, ժ. 14:30-ին, ՀԿԳ ավագ համայնքային ոստիկան Ալեքսանյանը զեկուցագիր և առերևույթ հանցանքի մասին հաղորդում է ներկայացրել, որ Aravot.am-ում կատարվել է հրապարակում, ըստ որի՝ Օշական գյուղի մշակույթի տան թիվ 17/25 ընտրատեղամասում պարբերաբար փորձեր են կատարվում առանց ծրարի քվեաթերթիկ գցել քվեատուփի մեջ։
Ձեռնարկված միջոցառումների արդյունքում պարզվել է, որ Օշական գյուղի թիվ 17/25 ընտրատեղամասի ընտրական հանձնաժողովի նախագահ Աշոտ Ամիրբեկյանը, նկատելով չօգտագործված և գետնին ընկած քվեաթերթիկը, վերցրել և դրել է սեղանին՝ նախապես դասավորված չօգտագործված քվեաթերթիկների վրա, նկատողություն արել ներկա գտնվող անձանց՝ ուշադիր լինել իրենց հատկացված քվեաթերթիկներին։
Կազմված փաստաթղթերն ուղարկվել են ՀՀ ՔԿ Արագածոտնի մարզային քննչական վարչություն։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Մեկնաբանություններ (0)