Մայիսի 25-ից հունիսի 5-ը Վրաստանի Բաթում քաղաքում անցկացվում է 2026 թվականի շախմատի Եվրոպայի կանանց անհատական առաջնությունը: Այս մասին տեղեկացնում են ՀՀ շախմատի ֆեդերացիայից։
Հայաստանից առաջնությանը մասնակցում են 16 շախմատիստուհիներ:
Երեք խաղափուլից հետո կանանց ՖԻԴԵ-ի վարպետ Պոլինա Կոբակը, միջազգային վարպետ Լիլիթ Մկրտչյանը, կանանց գրոսմայստեր Մարիամ Մկրտչյանը և գրոսմայստեր Էլինա Դանիելյանը ունեն 2 միավոր:
Կիտի Նադանյանը ունի 1.5 միավոր: Կանանց ՖԻԴԵ-ի վարպետ Աննա Խաչատրյանը, Անի Ավետիսյանը, կանանց ՖԻԴԵ-ի վարպետ Նվարդ Հայրապետյանը, Անի Նահապետյանը և Անահիտ Մկրտչյանը ունեն 1 միավոր:
4-րդ խաղափուլը կմեկնարկի մայիսի 28-ին՝ Հայաստանի ժամանակով 15:00-ին:
Դիտումների քանակ8