Բելառուսի և Ֆրանսիայի նախագահներ Ալեքսանդր Լուկաշենկոն և Էմանուել Մակրոնը կիրակի օրը հեռախոսազրույց են ունեցել, հաղորդում է բելառուսական պետական «Բելտա» լրատվական գործակալությունը։
«Բելառուսի և Ֆրանսիայի նախագահներ Ալեքսանդր Լուկաշենկոյի և Էմանուել Մակրոնի միջև հեռախոսազրույցը տեղի է ունեցել այսօր՝ ֆրանսիական կողմի նախաձեռնությամբ», – հաղորդում է գործակալությունը՝ հղում անելով բելառուս առաջնորդի մամուլի ծառայությանը։
Նշվում է, որ քննարկել են տարածաշրջանային հարցեր և Մինսկի հարաբերությունները ԵՄ-ի հետ։
«Պետությունների ղեկավարները քննարկել են տարածաշրջանային հարցեր և Բելառուսի հարաբերությունները ԵՄ-ի և մասնավորապես Ֆրանսիայի հետ», – հաղորդում է գործակալությունը՝ հղում անելով Բելառուսի ղեկավարի մամուլի ծառայությանը։