Կառավարությունում ՀՀ փոխվարչապետ Մհեր Գրիգորյանի և ՄԱԿ մշտական համակարգող Ֆրանսուազ Ժակոբի համանախագահությամբ կայացել է ՀՀ-ՄԱԿ համատեղ ղեկավար կոմիտեի նիստը, որով մեկնարկ է տրել Հայաստան-ՄԱԿ կայուն զարգացման համագործակցության 2026-2030 շրջանակի իրականացմանը:
Հանդիպման սկզբում փոխվարչապետը հանդես է եկել ողջույնի խոսքով՝ կարևորելով շրջանակային փաստաթղթի ներքո Կառավարության ու ՄԱԿ գրասենյակի ջանքերի համադրումը և համակարգված փոխգործակցությունը բոլոր մակարդակներում՝ միտված ռազմավարական բարեփոխումների իրականացմանը:
Ֆրանսուազ Ժակոբը ներկայացրել է 2025 թվականին ՄԱԿ-ի կողմից Հայաստանում իրականացված աշխատանքների արդյունքները:
Նիստի արդյունքում հաստատվել են չորս արդյունքային խմբերի կազմերը, որոնք կշարունակեն աշխատանքները համապատասխան գերակայությունների ներքո՝ միտված ՀՀ-ՄԱԿ համագործակցության շրջանակներում թիրախային ծրագրերի իրականացմանը:
ՀՀ կառավարություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: