Քաղաքականություն
21.02.2026 | 10:53
ԱՄՆ նախագահ Դոնալդ Թրամփը որոշում է ստորագրել, որով բացառապես բոլոր երկրների նկատմամբ 10 տոկոս մաքսատուրք է սահմանել։ Նա այս մասին հայտարարել է իր Truth Social սոցիալական ցանցի էջում։
«Ինձ համար մեծ պատիվ է հենց նոր Օվալյան աշխատասենյակից ստորագրել բոլոր երկրների նկատմամբ 10 տոկոս համընդհանուր մաքսատուրք սահմանելու մասին որոշումը, որը կմտնի ուժի մեջ գրեթե անմիջապես։ Շնորհակալ եմ այս հարցի նկատմամբ ձեր ուշադրության համար»,- գրել է Թրամփը։
Հիշեցնենք, որ նախօրեին ԱՄՆ Գերագույն դատարանը անօրինական էր ճանաչել ԱՄՆ նախագահ Դոնալդ Թրամփի կողմից սահմանված միակողմանի ներմուծման մաքսատուրքերը։ Դատարանը նշել էր, որ նախագահ Դոնալդ Թրամփը գերազանցել է իր սահմանադրական լիազորությունները, երբ միակողմանիորեն սահմանել է ներմուծման մաքսատուրքեր ԱՄՆ ներմուծվող ապրանքների նկատմամբ։
Թարգմանությունը՝ Անահիտ Խաչատրյանի