«Երբեք Նիկոլ Փաշինյանի իշխանությունը ժողովրդավարական չի եղել»,- «Հայաստանի Հանրապետությունում ժողովրդավարության հետընթացը, քաղաքական հալածանքների ենթարկվող անձանց իրավունքների պաշտպանությունը և իրավական երաշխիքները» թեմայով խորհրդարանական լսումների ժամանակ ասաց քաղաքագետ Սուրեն Սուրենյանցը։
Նրա խոսքով՝ հետպատերազմական փուլում արդեն ակնհայտ դարձավ ժողովրդավարության ճգնաժամը Հայաստանում։
«2021 թվականին Հայաստանում ամենակոպիտ ձևով ոտնահարվել է քաղաքական պատասխանատվության սկզբունքը։ Կարծես ոչինչ տեղի չէր ունեցել, կարծես հազարավոր տղաների մատաղ չէր արել Նիկոլ Փաշինյանը, կարծես Նիկոլ Փաշինյանը չէր դարձել հայրենիքի գող։ 2021-2025 թվականների ՏԻՄ ընտրություններում իշխանությունը մի գործելաոճ ուներ՝ ընտրությունները տեղի էին ունենում հանգիստ, թիրախավորումները տեղի էին ունենում հետո, երբ ընդդիմությունից ինչ-որ մեկը հանդգնում էր հաղթել։ 2025-ից Նիկոլ Փաշինյանը ավտորիտար կառավարման նոր մոդել սահմանեց։ Նա հասկացել էր, որ միայն այդ մեթոդով կարող էր պահել իշխանությունը, երկրորդը՝ պետք է միջավայր ստեղծեր արտաքին պարտավորությունների կատարման համար։ Այսպես սանձազերծվեց եկեղեցու դեմ պայքարը, Սամվել Կարապետյանի հետապնդումը, խորհրդարանական ընտրությունների խայտառակությունը ԲՀԿ-ի հետ կապված։ Եվ այսօր ամոթալի մի իրավիճակում ենք մենք բոլորս, որովհետև 4 քաղաքական ուժի ղեկավար գտնվում է բանտում»,- նշեց Սուրենյանցը։
Նրա խոսքով՝ Նիկոլ Փաշինյանի սուվերեն իշխանություն այլևս գոյություն չունի, Փաշինյանը դարձել է բաց բաժնետիրական ընկերություն, որտեղ փայատերեր են նաև Ադրբեջանն ու Թուրքիան։
Մանրամասները՝ տեսանյութում
«Եվ հիմա խնդիրը քաղաքական է՝ մենք պիտի քաղաքական միջավայր փոխենք, որպեսզի երկրում քաղկալանավորներ չլինեն»,- հավելեց Սուրենյանցը։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: