Բաժանորդագրվեք araratnews-ի տելեգրամ ալիքին։
Թուրքիայի նախագահ Ռեջեփ Թայիփ Էրդողանը կոչ է արել իրականացնել ՄԱԿ-ի արմատական բարեփոխում, որը կենթադրի Անվտանգության խորհրդում վետոյի իրավունքի և մշտական անդամության ինստիտուտի վերացում և Գլխավոր ասամբլեայի լիազորությունների ընդլայնում։
«Bloomberg»-ում հրապարակված «ՄԱԿ-ը պետք է վերացնի Անվտանգության խորհրդում վետոյի իրավունքը» վերնագրով հոդվածում Թուրքիայի ղեկավարն ընդգծել է, որ այս քայլը համարում է ՄԱԿ-ի բարեփոխման առանցքային տարր։
Նրա կարծիքով՝ Անվտանգության խորհրդի արտոնյալ անդամների թվի պարզ ընդլայնումը չի լուծի պետությունների սահմանափակ խմբի ձեռքում իշխանության կենտրոնացման խնդիրը։ «Բարեփոխումը չի կարող նշանակել նույն արտոնության տրամադրում այլ պետությունների»,- շեշտել է նա։