Միացյալ Նահանգները առաջին անգամ խոստովանեց, որ Երկրի ուղեծրում տեղակայել է հարձակողական զենք ՝ տեղեկացնում է BBC-ի ռուսական ծառայությունը։
Երկուշաբթի օրը, ելույթ ունենալով Օդային, տիեզերական և կիբեռպատերազմի համաժողովում՝ ԱՄՆ ռազմաօդային ուժերի նախարար Թրոյ Մեյնկն ասել է, որ այդ զենքն իրենց պետք է «զարգացող սպառնալիքներից» պաշտպանվելու համար։ Նա չի մանրամասնել զենքի հնարավորությունները կամ չի նշել, թե երբ է այն գործարկվել։
Մինչ օրս ամերիկացի պաշտոնյաները խոսել են միայն տիեզերքում ռազմական կարողություններն ամրապնդելու մտադրությունների մասին՝ մատնանշելով ռուսական և չինական ծրագրերը, որոնք նախատեսված են ռազմական հակամարտության դեպքում ամերիկյան արբանյակներին հարձակվելու և խափանելու համար։
Թրամփի վարչակազմը նշել է, որ հրթիռները և ԱՄՆ տարածքին սպառնացող այլ թիրախները որսալու համար նախատեսված «Ոսկե գմբեթ» համակարգը կներառի տիեզերական բաղադրիչ, այդ թվում՝ որսացող հրթիռներ։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: