Եվրոպական միությունը (ԵՄ) կրճատված ձևաչափով համաձայնեցրել է Հակառուսական պատժամիջոցների 21-րդ փաթեթը։ Հուլիսի 23-ին այս մասին հայտնել է Իռլանդիայի արտգործնախարար Հելեն ՄաքԷնթին։
«Ուրախ ենք, որ համաձայնեցրել ենք պատժամիջոցների 21-րդ փաթեթը։ Եվրոպան աջակցում է Ուկրաինային», — գրել է նա X սոցիալական ցանցի իր էջում։
ՄաքԷնթիի խոսքով՝ Ռուսաստանի դեմ ընդունված միջոցները նպատակաուղղված են նրա եկամուտների հոսքերը խաթարելուն և «ստվերային նավատորմի» դեմ իրականացվող պայքարին։ Իռլանդիայի արտգործնախարարը պարզաբանել է, որ դրանք ուղղված են նաև ռուսական լոգիստիկ շղթաների քայքայմանը։
Եվրոպական հանձնաժողովի նախագահ Ուրսուլա ֆոն դեր Լեյենն X-ի իր էջում գրել է, որ ողջունում է պատժամիջոցների այս փաթեթը, և շնորհակալություն է հայտնել ՄաքԷնթիին՝ այդ հարցում ցուցաբերած աջակցության համար։ Նա հավելել է, որ պատժամիջոցային ցուցակներում ավելացվել են ՌԴ ևս 32 բանկեր, որոնց արգելվել է գործարքներ իրականացնել։ Ցուցակում ներառվել են նաև մի շարք կրիպտոընկերություններ և նավթի առևտրով զբաղվող հարթակներ։
Ֆոն դեր Լեյենը ճշգրտել է, որ կողմերին հաջողվել է նաև «կարևոր քայլ» անել Ռուսաստանի զինված ուժերի զինծառայողների՝ ԵՄ մուտքի արգելք սահմանելու ուղղությամբ։ Նա որևէ այլ մանրամասներ չի ներակայացրել այս հարցի վերաբերյալ։
News.am