Ermenihaber.am – Թուրքիայի փոխնախագահ Ջևդեթ Յըլմազը կայցելի Երևան՝ մասնակցելու Եվրոպական քաղաքական համայնքի 8-րդ գագաթնաժողովին: Այն տեղի կունենա մայիսի 4-ին՝ «Կառուցելով ապագան. միասնություն և կայունություն Եվրոպայում» թեմայով։
Ըստ պետական Anadolu լրատվական գործակալության՝ Թուրքիայի փոխնախագահի՝ Երևան կատարելիք այցը կլինի առաջինը՝ այս մակարդակով։
Նշվել է, որ գագաթնաժողովին հրավիրված են ԵՄ անդամ 27 երկիր, ինչպես նաև գործընկեր պետությունները։
Հիշեցնենք, որ թուրքական լրատվամիջոցները նշում էին, որ Էրդողանի չմասնակցելու դեպքում Թուրքիան այլ մակարդակով ներկայացված չի լինի, քանի որ կանոնները թույլ են տալիս միայն երկրների առաջնորդների մասնակցություն։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: