Իրաքի Քուրդիստանի շրջանում տեղակայված իտալական ռազմաբազան գիշերը հրթիռակոծվել է։ Այս մասին հայտնել է Իտալիայի պաշտպանության նախարարությունը։
«Էրբիլում գտնվող մեր բազան հրթիռակոծվել է։ Իտալացի անձնակազմի շրջանում զոհեր կամ վիրավորներ չկան։ Բոլորն անվտանգ են», – ասվում է X-ում արված հայտարարության մեջ։
Իտալիայի արտաքին գործերի նախարար Անտոնիո Տայանին առանձին հրապարակմամբ հայտնել է, որ զինվորականները ապաստանել են բունկերում, և բոլորը առողջ և անվտանգ են։
«Խստորեն դատապարտում ենք Էրբիլում իտալական բազայի վրա հարձակումը», – գրել է Տայանին։