Բաժանորդագրվեք araratnews-ի տելեգրամ ալիքին։
ԱՄՆ փոխնախագահ Ջեյ Դի Վենսը հայտարարել է, որ ԱՄՆ-ի և Իրանի միջև հակամարտության դադարեցման շուրջ խորհրդակցությունների ընթացքում որոշակի առաջընթաց է գրանցվել։
«Մենք մի շարք արդյունավետ խորհրդակցություններ ենք ունեցել իրանական կողմի հետ։ Մոտ մեկ ժամ առաջ այդ հարցը քննարկել եմ ԱՄՆ նախագահ Դոնալդ Թրամփի հետ»,- Վաշինգտոնի մերձակայքում գտնվող Էնդրյուս ռազմաբազայում լրագրողներին ասել է նա։
«Անկասկած, որոշակի առաջընթացի ենք հասել։ Կտեսնենք՝ արդյոք կհաջողվի՞ ավելիին հասնել»,- հավելել է Վենսը։
Նրա խոսքով՝ թե՛ ինքը, թե՛ նախագահ Թրամփը բավական լավատեսորեն են տրամադրված բանակցությունների միջոցով կարգավորման հեռանկարների հարցում և շարունակելու են աշխատել այդ ուղղությամբ։