Ռուսաստանի արտաքին գործերի նախարար Սերգեյ Լավրովը հեռախոսազրույց է ունեցել Իրանի արտաքին գործերի նախարար Աբբաս Արաղչիի հետ։
Ռուս նախարարն ընդգծել է, որ Մոսկվան պատրաստ է նպաստել Մերձավոր Արևելքում հակամարտության կարգավորմանը՝ «հաշվի առնելով իրանական կողմի անվտանգության շահերը»։
«Սերգեյ Լավրովը վերահաստատել է իր սկզբունքային դիրքորոշումը՝ ի նպաստ լարվածության արագ թուլացման և քաղաքական ու դիվանագիտական կարգավորմանը վերադառնալուն, որին ռուսական կողմը շարունակում է հանձնառու լինել՝ հաշվի առնելով Իրանի և տարածաշրջանում նրա հարևանների անվտանգային շահերը»,- ասվում է Ռուսաստանի արտաքին գործերի նախարարության հայտարարության մեջ։
Մարտի 6-ին Ռուսաստանի նախագահ Վլադիմիր Պուտինը հեռախոսազրույց է ունեցել իր իրանցի գործընկեր Մասուդ Փեզեշքիանի հետ և կոչ է արել անհապաղ դադարեցնել կրակը Մերձավոր Արևելքում։