Իրանից արձակված և Իրաքի ու Սիրիայի օդային տարածքով դեպի Թուրքիա ընթացող բալիստիկ հրթիռը արագորեն որսացել և չեզոքացրել են Արևելյան Միջերկրական ծովում տեղակայված ՆԱՏՕ-ի օդային և հրթիռային պաշտպանության ուժերը։
Այս մասին հայտարարել է Թուրքիայի պաշտպանության նախարարությունը՝ նշելով Իրանից արձակված Թուրքիայի օդային տարածք ուղղվող բալիստիկ հրթիռի որսման մասին։
Նախարարությունը մամուլի հաղորդագրություն է հրապարակել X սոցիալական մեդիա հարթակում։
Միջադեպի հետևանքով տուժածներ չկան։ Թուրքիայի պաշտպանության նախարարությունը ընդգծել է, որ երկիրը աջակցում է տարածաշրջանային կայունությանը և խաղաղությանը, բայց ի վիճակի է ապահովել իր քաղաքացիների և տարածքի անվտանգությունը։
Իր հերթին, Թուրքիայի արգործանախարարությունը հիշեցրել , որ իրենց իրավունքն է արձագանքել Թուրքիայի դեմ ուղղված ցանկացած թշնամական գործողության։
«Մենք զգուշացնում ենք բոլոր կողմերին՝ զերծ մնալ այնպիսի գործողություններից, որոնք կարող են ավելի խորացնել հակամարտությունը տարածաշրջանում։ Այս առումով մենք կշարունակենք խորհրդակցությունները ՆԱՏՕ-ի և մեր մյուս դաշնակիցների հետ»,- ասվում է հայտարարության մեջ։