10:32 01.03.2026 (Թարմացված է: 10:33 01.03.2026)
Բաժանորդագրվել
Չվերթերը չեղարկվել են Մերձավոր Արևելքում ստեղծված իրավիճակի պատճառով։
ԵՐԵՎԱՆ, 1 մարտի – Sputnik. Արաբական Միացյալ Էմիրություններից և Կատարից դեպի Հայաստան նախատեսված 6 չվերթ չի կայանա։ Այս մասին տեղեկանում ենք «Զվարթնոց» միջազգային օդանավակայանի չվերթերի ցուցակից։
Մերձավոր Արևելքում իրավիճակի պատճառով չեղարկվել են Աբու Դաբիից (AirArabia), Դուբայից 3 չվերթ (FlyDubai և Emirates), Շարժայից (AirArabia) և Դոհայից (Qatar Airways) ժամանող չվերթերը։
Հիշեցնենք` ԱՄՆ-ն և Իսրայելը փետրվարի 28-ի առավոտյան հարվածներ են հասցրել Իրանին։ Իրանը պատասխան հրթիռային հարվածներ է հասցրել Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:
Իրանական Կարմիր մահիկը փետրվարի 28-ի երեկոյան հայտնել է, որ առնվազն 201 մարդ է զոհվել և 747-ը տուժել Իրանում ԱՄՆ-ի և Իսրայելի հարձակումներից հետո։