Զրուցել ենք ՀՀ-Գերմանիա ռազմավարական երկխոսության օրակարգին, ՀՀ-ԵՄ խորացող հարաբերություններին վերաբերող հարցերի շուրջ. Սարգիս Խանդանյան

«Բեռլին կատարած աշխատանքային այցի ընթացքում հանդիպել եմ գործընկերոջս` Գերմանիայի Բունդեսթագի արտաքին հարաբերությունների հանձնաժողովի նախագահ Արմին Լաշետի հետ:

Զրուցել ենք Հայաստան – Գերմանիա ռազմավարական երկխոսության օրակարգին, Հայաստան – ԵՄ խորացող հարաբերություններին, ինչպես նաև տարածաշրջանային անվտանգությանը վերաբերող հարցերի շուրջ:

Գործընկերոջս ներկայացրել եմ Հայաստանի և Ադրբեջանի միջև ընթացող խաղաղության գործընթացի վերջին զարգացումները:

Հանդիպմանը ներկա էր Գերմանիայում ՀՀ արտակարգ և լիազոր դեսպան Վիկտոր Ենգիբարյանը»։

ՀՀ ԱԺ արտաքին հարաբերությունների հանձնաժողովի նախագահ Սարգիս Խանդանյան