Հայկ Մարտիրոսյանն առաջ է անցել Արոնյանից և Կարլսենից՝ զբաղեցնելով 9-րդ հորիզոնականը աշխարհի ուժեղագույնների շախմատի մրցաշարում

Գրոսմայստեր Հայկ Մարտիրոսյանը լավագույն տասնյակում է աշխարհի ուժեղագույն շախմատիստների պայքարում


ԵՐԵՎԱՆ, 21 նոյեմբերի․ /Նովոստի–Արմենիա/․ Հայաստանի առաջատար գրոսմայստեր Հայկ Մարտիրոսյանը զբաղեցրել է 9-րդ հորիզոնականը Հունգարիայի մայրաքաղաք Բուդապեշտում անցկացված «Total Chess World Championship Tour Pilot 2026» շախմատի մրցաշարում։


Այս մասին հայտնել է ՀՀ Շախմատի ֆեդերացիան։


Մրցաշարին մասնակցել են համաշխարհային շախմատի 24 ուժեղագույն ներկայացուցիչները։


Մրցաշարի հաղթող է դարձել Ֆրանսիան ներկայացնող գրոսմայստեր Ալիռեզա Ֆիրուզջան։ Երկրորդ տեղը զբաղեցրել է Նիդերլանդները ներկայացնող գրոսմայստեր Անիշ Գիրին, իսկ լավագույն եռյակը եզրափակել է ԱՄՆ-ն ներկայացնող գրոսմայստեր Ֆաբիանո Կարուանան։


Մրցաշարի եզրափակիչ փուլում Հայկ Մարտիրոսյանը 25.5։14.5 հաշվով հաղթանակ է տարել հնդիկ գրոսմայստեր Արջուն Էրիգաիսիի նկատմամբ։


Դասական շախմատի երկու պարտիաներն էլ ավարտվել են Հայկ Մարտիրոսյանի հաղթանակով։


ԱՄՆ-ն ներկայացնող հայ գրոսմայստեր Լևոն Արոնյանը զբաղեցրել է 14-րդ հորիզոնականը։


Մրցաշարին մասնակցել է նաև աշխարհի 16-րդ չեմպիոն Մագնուս Կարլսենը, որը զբաղեցրել է 17-րդ հորիզոնականը։


Leave a comment