ՀՀ արտաքին գործերի և միջազգային առևտրի նախարարությունը ցավակցություն է հայտնել Վրաստանի իշխանություններին և ժողովրդին՝ Թբիլիսիում պայթյունի կապակցությամբ։
«Կիսում ենք մեր խորին ցավակցությունը Թբիլիսիի Պոնիչալա շրջանում տեղի ունեցած ողբերգական պայթյունի կապակցությամբ, որի հետևանքով մարդկային զոհեր են եղել։
Մեր անկեղծ ցավակցությունն ենք հայտնում զոհվածների ընտանիքներին և հարազատներին։ Վիրավորներին մաղթում ենք շուտափույթ ապաքինում։
Այս դժվարին պահին մեր համերաշխությունն ենք հայտնում եղբայրական Վրաստանի ժողովրդին»,- ասվում է X-ում ՀՀ ԱԳՄԱՆ-ի հայտարարությունում։
Նոյեմբերի 19-ին Թբիլիսիում բնակելի շենքի փլուզման հետևանքով զոհվել է վեց մարդ, այդ թվում՝ մեկ երեխա։ Եվս հինգ մարդ հոսպիտալացվել է։ Նախնական վարկածով՝ փլուզման պատճառը գազի արտահոսքի հետևանքով տեղի ունեցած պայթյունն է։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: