Յան Գիլանի առողջական խնդիրների պատճառով հետաձգվել են Deep Purple-ի այս տարի նախատեսված համերգները

Բրիտանացի ռոք երգիչ, «Deep Purple» խմբի վոկալիստ Յան Գիլանը խմբի ֆեյսբուքյան պաշտոնական էջում հայտնում է.

«Լայպցիգում գտնվելու ընթացքում առաջացած առողջական խնդրի պատճառով, որը պահանջել է անհապաղ բուժօգնություն հիվանդանոցում, ինչպես նաև իմ բժիշկների թիմի և ղեկավարության խորհրդով՝ մենք ստիպված եղանք դժվար որոշում կայացնել և անորոշ ժամանակով հետաձգել Եվրոպայում և Մեծ Բրիտանիայում շրջագայության համերգները։

Ցավոք, այս հետաձգումը կտարածվի նաև Հարավային Ամերիկայում և Մեքսիկայում այս տարի նախատեսված մեր համերգների վրա։

Ներողություն եմ խնդրում բոլորից՝ պատճառած հնարավոր անհարմարությունների համար։

Ակնկալում եմ, որ հաջորդ տարվա սկզբին կկարողանամ վերադառնալ բեմական գործունեությանը։ Deep Purple-ի թիմն ինձ վստահեցրել է, որ 2027 թվականի սկզբին կայանալիք հետաձգված համերգների նոր ամսաթվերը կհայտարարվեն շատ շուտով։

Շնորհակալություն ըմբռնման համար»։

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Leave a comment