Աշխարհաքաղաքական անորոշությունը ռիսկեր է ստեղծում աշխարհի բոլոր տնտեսությունների համար։ Այս մասին նոյեմբերի 19-ին Ազգային ժողովում՝ 2027 թվականի պետական բյուջեի նախագծի քննարկման ժամանակ, հայտարարել է Հայաստանի Կենտրոնական բանկի նախագահ Մարտին Գալստյանը։ Նա պատասխանել է Հայաստանի տնտեսության հիմնական ռիսկերին վերաբերող՝ ընդդիմադիր պատգամավորների հարցերին։
Որպես օրինակ՝ ԿԲ նախագահը նշել է ԱՄՆ-ը, եվրոպական երկրները, Ռուսաստանն ու Չինաստանը, որտեղ տնտեսական աճը նույնպես կարող է կանխատեսվածից ցածր լինել։
«Ռուսաստանը կամ Չինաստանը կարող են բախվել մի իրավիճակի, երբ նրանց տնտեսական աճը կանխատեսվածից զգալիորեն ցածր կլինի։ Կարծում եմ՝ նման ռիսկեր կան ցանկացած տնտեսության համար… Կառավարությունը միջոցներ է հատկացրել որոշակի պահուստային ֆոնդին, և, մեր գնահատմամբ, շատ կարևոր է, որ այդ պահուստային ֆոնդերի միջոցները նույնպես ուղղվեն ձեր նշած մակրոտնտեսական ռիսկերի վերացմանը», — պարզաբանել է Մարտին Գալստյանը։