TRIPP, հանքանյութեր. ինչ են քննարկել ՀՀ-ԱՄՆ գործընկերության աշխատանքային խմբի հանդիպման ը

Բաժանորդագրվել

Կողմերը քննարկել են TRIPP նախագծի իրականացմանն առնչվող հարցեր։

ԵՐԵՎԱՆ, 13 նոյեմբերի – Sputnik. Կայացել է ՀՀ–ի և ԱՄՆ-ի միջև ստորագրված համապարփակ ռազմավարական գործընկերության կանոնադրության իրականացման աշխատանքային խմբի հանդիպումը` տեսակապի միջոցով։ Հայտնում է ՀՀ ԱԳՄԱ նախարարությունը։

ՀՀ արտաքին գործերի և միջազգային առևտրի նախարարի տեղակալ Վահան Կոստանյանն ու ԱՄՆ պետքարտուղարի փոխտեղակալ Փիթեր Անդրեոլին քննարկել են մի շարք հարցեր, այդ թվում` TRIPP նախագծի իրականացման հարցերը։

«Կողմերն անդրադարձ են կատարել համապարփակ ռազմավարական գործընկերության կանոնադրությամբ նախանշված ոլորտային նախաձեռնությունների կատարման ընթացքին, TRIPP նախագծի իրականացմանն առնչվող հարցերին, ինչպես նաև ՀՀ-ԱՄՆ երկկողմ հարաբերությունների այլ օրակարգային թեմաներին»,– նշված է հաղորդագրությունում։

Քննարկումների առանցքում են եղել էներգետիկայի, կարևորագույն հանքանյութերի և հազվագյուտ հանածոների, ինչպես նաև կրթական և մշակութային համագործակցությանը վերաբերող հարցեր:

Leave a comment